|
Y Cyfarfod Llawn |
|
Dyddiad y
cyfarfod: |
|
|
|
Amser y
cyfarfod: |
||
|
|
||
|
|
||
|
|
||
|
Agenda (73)v4 |
|
1. Cwestiynau i’r Gweinidog Tai, Adfywio a Threftadaeth (45 munud)
|
|
2. Cwestiynau i’r Cwnsler Cyffredinol (5 munud)
|
|
Cwestiwn Brys
Rhodri Glyn Thomas (Dwyrain Caerfyrddin a Dinefwr): A wnaiff y Prif Weinidog eluro ar frys beth yw ymdrechion Llywodraeth Cymru i ddenu Taflegrau Niwclear Trident i Aberdaugleddau? |
|
3. Cynnig i ddiwygio Rheolau Sefydlog mewn perthynas â Biliau Preifat a Gwelliannau Amrywiol (5 munud)
NDM5014 Rosemary Butler (Gorllewin Casnewydd)
Cynnig bod y Cynulliad Cenedlaethol, yn unol â Rheol Sefydlog 33.2:
1. Yn ystyried Adroddiad y Pwyllgor Busnes ‘Diwygiadau Arfaethedig i’r Rheolau Sefydlog: Biliau Preifat a Newidiadau Amrywiol’ a osodwyd yn y Swyddfa Gyflwyno ar 13 Mehefin 2012; a
2. Yn cymeradwyo’r cynnig i adolygu’r Rheolau Sefydlog, fel y nodir yn Atodiadau B a D i Adroddiad y Pwyllgor Busnes.
Dogfen Ategol: |
|
4. Dadl ar Ymchwiliad y Pwyllgor Cymunedau, Cydraddoldeb a Llywodraeth Leol i Ddarpariaeth Tai Fforddiadwy yng Nghymru (60 munud)
NDM5013 Ann Jones (Dyffryn Clwyd)
Mae Cynulliad Cenedlaethol Cymru:
Yn nodi adroddiad y Pwyllgor Cymunedau, Cydraddoldeb a Llywodraeth Leol, Darpariaeth Tai Fforddiadwy yng Nghymru, a gafodd ei osod yn y Swyddfa Gyflwyno ar 23 Ebrill 2012.
Sylwer: Cafodd ymateb y Gweinidog Tai, Adfywio a Threftadaeth ei osod yn y Swyddfa Gyflwyno ar 13 Mehefin 2012.
Dogfennau Ategol: Adroddiad y Pwyllgor Cymunedau, Cydraddoldeb a Llywodraeth Leol |
|
5. Dadl y Ceidwadwyr Cymreig (60 munud)
NDM5015 William Graham (Dwyrain De Cymru)
Cynnig bod Cynulliad Cenedlaethol Cymru:
1. Yn cydnabod pwysigrwydd cysylltiadau trafnidiaeth ar gyfer twf economaidd yng Nghymru;
2. Yn galw ar Lywodraeth Cymru i weithio gydag awdurdodau lleol, ASau Cymru a’r Adran Drafnidiaeth i drydaneiddio Prif Reilffordd y Great Western i Abertawe a thrydaneiddio rheilffyrdd cymoedd De Cymru;
3. Yn galw ar Lywodraeth Cymru i amlinellu strategaeth integredig i gysylltu De a Gorllewin Cymru i’r brif reilffordd wedi’i thrydaneiddio; ac
4. Yn gresynu bod Llywodraethau olynol yng Nghymru o dan arweiniad Llafur wedi methu â chysylltu cymunedau ar draws Cymru drwy rwydwaith trafnidiaeth integredig.
Cyflwynwyd y gwelliannau a ganlyn:
Gwelliant 1 - Aled Roberts (Gogledd Cymru)
Ychwanegu pwynt 2 newydd ac ail-rifo’r pwyntiau sy'n dilyn:
Yn gresynu nad oedd gan Lywodraeth Lafur flaenorol y DU unrhyw gynlluniau i drydaneiddio Rheilffordd y Cymoedd.
Gwelliant 2 - Jocelyn Davies (Dwyrain De Cymru)
Cynnwys pwynt 2 newydd ac ail-rifo’r pwyntiau sy'n dilyn:
‘Yn nodi nad yw’r gwariant ar seilwaith rheilffyrdd wedi’i ddatganoli ac mai cyfrifoldeb Llywodraeth y DU ydyw, a bod gwariant Network Rail wedi’i ddatganoli i Lywodraeth yr Alban yn 2006.’
Gwelliant 3 - Aled Roberts (Gogledd Cymru)
Cynnwys ar ddechrau pwynt 2:
‘Yn nodi na wnaeth Llywodraeth Lafur flaenorol y DU drydaneiddio’r un filltir o Brif Lein Great Western ac’
Gwelliant 4 - Aled Roberts (Gogledd Cymru)
Ym mhwynt 2, dylid dileu ‘ASau Cymru’ a rhoi ‘ASau’ yn ei le.
Gwelliant 5 - Jocelyn Davies (Dwyrain De Cymru)
Cynnwys pwynt 3 newydd ac ail-rifo’r pwyntiau sy'n dilyn:
‘Yn galw ar Lywodraeth Cymru i geisio datganoli cyllideb Network Rail a’r holl gyfrifoldebau eraill yn ymwneud â seilwaith rheilffyrdd.’
Gwelliant 6 - Aled Roberts (Gogledd Cymru)
Ychwanegu pwynt 4 newydd ac ail-rifo’r pwyntiau sy'n dilyn:
Yn galw ar Lywodraeth Cymru i ganfod pa mor ymarferol yw cyflwyno cerdyn Oyster ar gyfer Cymru gyfan, gan weithio gyda chwmnïau trên a chwmnïau bysiau i sicrhau bod pobl yn gallu teithio o amgylch Cymru yn rhwydd.
[os derbynnir gwelliant 7, bydd gwelliant 8 yn cael ei ddad-ddethol]
Gwelliant 7 - Jane Hutt (Bro Morgannwg)
Ym mhwynt 4, dileu popeth cyn ‘cymunedau’ a rhoi ‘Yn croesawu’r gwaith sydd wedi’i wneud gan Lywodraeth Cymru’n Un a’r Llywodraeth Lafur bresennol i gysylltu’ yn ei le
Gwelliant 8 - Jocelyn Davies (Dwyrain De Cymru)
Ym mhwynt 4, dileu: ‘Yn gresynu bod Llywodraethau olynol yng Nghymru o dan arweiniad Llafur’ a rhoi yn ei le:
‘Yn gresynu bod Llywodraethau olynol yn y DU o dan arweiniad Llafur a’r Ceidwadwyr’
Gwelliant 9 - Aled Roberts (Gogledd Cymru)
Ychwanegu pwynt newydd ar ddiwedd y cynnig:
Yn galw ar Lywodraeth Cymru i sicrhau bod Gogledd Cymru yn gallu manteisio ar HS2, ac i sicrhau na fydd unrhyw newidiadau yn cael effaith anffafriol ar wasanaethau prif lein West Coast i Gaergybi.
Gwelliant 10 - Aled Roberts (Gogledd Cymru)
Ychwanegu pwynt newydd ar ddiwedd y cynnig:
Yn cefnogi’r ddadl dros ailagor gorsafoedd yn Bow Street ac yng Ngharno. |
|
6. Dadl Democratiaid Rhyddfrydol Cymru (60 munud)
NDM5016 Aled Roberts (Gogledd Cymru)
Cynnig bod Cynulliad Cenedlaethol Cymru:
1. Yn credu:
a) nad oes lle i fod yn hunanfodlon yng nghyswllt cyflenwi gwasanaethau mamolaeth a newyddenedigol ar draws Cymru;
b) mai Llywodraeth Cymru sy’n gyfrifol am ddal Byrddau Iechyd Lleol i gyfrif drwy fecanwaith ystyrlon ar gyfer monitro ansawdd gofal mamolaeth a newyddenedigol ar draws Cymru;
c) bod Cymru yn wynebu sialensiau newydd a bod cyd-destun cymdeithasol ac economaidd gwasanaethau mamolaeth a newyddenedigol yn newid yn gyson;
d) y dylai pob menyw yng Nghymru, ni waeth ble mae hi'n byw ac ni waeth beth yw ei chefndir cymdeithasol neu ei hethnigrwydd, allu cael gafael ar a derbyn gofal mamolaeth a newyddenedigol diogel o ansawdd uchel;
e) na fu gwelliant sylweddol mewn gwasanaethau mamolaeth a newyddenedigol er 1999; a
f) bod yr ystadegau cyfredol ar gyfer gwasanaethau newyddenedigol a mamolaeth yn annerbyniol.
2. Yn galw ar Lywodraeth Cymru i:
a) ddarparu arweinyddiaeth strategol a chryf i Fyrddau Iechyd Lleol ledled Cymru i sicrhau bod gwasanaethau mamolaeth a newyddenedigol yn gwella;
b) sicrhau bod unrhyw adolygiad o wasanaethau newyddenedigol a wneir gan Fyrddau Iechyd Lleol yn cael ei gymeradwyo gan y Rhwydwaith Newyddenedigol i sicrhau nad yw unrhyw gynigion yn peryglu darparu gwasanaeth Cymru gyfan cynhwysfawr; ac
b) sicrhau bod unrhyw adolygiad o wasanaethau mamolaeth a wneir gan Fyrddau Iechyd Lleol yn cael ei gymeradwyo gan Grŵp Gweithredu Cymru Gyfan i sicrhau nad yw unrhyw gynigion yn peryglu darparu gwasanaeth Cymru gyfan cynhwysfawr.
Cyflwynwyd y gwelliannau a ganlyn:
Gwelliant 1 - Jane Hutt (Bro Morgannwg)
Dileu is-bwyntiau 1e ac 1f.
Gwelliant 2 - Jocelyn Davies (Dwyrain De Cymru)
Ychwanegu fel is-bwynt newydd ar ddiwedd pwynt 2:
cynllunio’r gweithlu yn yr hirdymor er mwyn sicrhau bod digon o staff arbenigol ar gael ar gyfer gwasanaethau newyddenedigol ledled y wlad.
Gwelliant 3 - William Graham (Dwyrain De Cymru)
Ychwanegu pwynt newydd ar ddiwedd y cynnig:
Yn nodi toriadau Llywodraeth Cymru i gyllideb y Gwasanaeth Iechyd Gwladol yng Nghymru a oedd yn fwy nag erioed o’r blaen, a bod modd i’r rhain beryglu unrhyw ymdrechion i wella gwasanaethau mamolaeth a newyddenedigol ledled Cymru. |
|
Cyfnod Pleidleisio |
|
7. Dadl Fer (30 munud)
NDM5017 Lynne Neagle (Tor-faen):
Effaith diwygio lles ar iechyd meddwl a lles yng Nghymru. |
Cynhelir Cyfarfod Llawn nesaf y Cynulliad am 13:30, Dydd Mawrth, 26 Mehefin 2012